Օր հինգերորդ. 12.01.2018
Այսօր սպորտային օր էր. խմբով համերաշխորեն գնացինք սահադաշտ: Ի՛նչ ցուրտ էր Ձմեռային այգում: Սակայն մի քիչ քայլեցինք, սնվեցինք և չզգացինք՝ ինչպես տաքացանք. ասես գարուն լիներ: Իսկ սահելիս ի՛նչ լավ էր: Ճիշտ է, սկզբում անսովոր էր, ընկանք, վեր կացանք, նորից ընկանք և վեր կացանք մի քանի անգամ ու սովորեցինք: Ապա այնպե՛ս սահեցինք, որ……
Ավելին՝ դիտեք ստորև:
Օր չորրորդ. 11.01.2018
Ճամբարային չորրորդ օրն էլ ավելի հագեցած էր: Առավոտկան ընդհանուր պարապմունքից հետո ընթերցասրահում զբաղվեցինք նախագծային աշխատանքներով, կարգի բերեցինք արած-չարածները: Այնուհետև այցելեցինք Հայաստանի ազգային պատկերասրահ՝ դիտելու հանճարեղ ծովանկարիչ Այվազովսկու ծովանկարներն ու ոչ միայն: Հաջորդիվ քայլեցինք մեր սիրելի Երևանով, զմայլվեցինք իր տաք ձմեռվա տեսարաններով, նաև բացահայտեցինք, որ մեր ճարտարապետության և արվեստի մեջ բազում կիրառություններ են գտել երկրաչափական մարմինները, դրանց մի մասը: Սրա մասին դեռ կխոսենք, իսկ առայժմ՝ այսքանը:
Օր երրորդ. 10.01.2018
Այսօր աշխատեցինք օլիմպիական խնդիրների լուծման վրա այն սովորողների հետ, ովքեր, մասնակցելու են օլիմպիադային: Իսկ խմբի մյուս անդամները աշխատեցին ըստ նախագծի. աշխատանքը՝ Սուքոյան Մարիայի բլոգում: Այնուհետև խաղացինք «Զանգի» ուշադրությունը զարգացնող խաղ և այլ տրամաբանական սեղանի խաղեր: Օրվա ամփոփումը՝ Հայկ Խաչատրյանի բլոգում: Օրակարգը՝ այստեղ:
Օր երկրորդ. 09.01.2018
dav
Այսօրվա ընդհանուր պարապմունքից անմիջապես հետո կազմակերպվեց ֆիլմի դիտում, այնուհետև՝ քննարկեցինք ֆիլմը, պատասխանեցինք շատ կարևոր հարցերի: Մանրամասն՝ Միլենա Մանուչարյանի բլոգում: Այնուհետև սովորողները մասնակցեցին ընտրությամբ գործունեության իրենց պարապմունքներին: Օրվա ընթացքը թեժ էր նաև խոհանոցում. սովորողները իրենք պատրաստեցին պիցցա և վաճառեցին այն: Այնուհետև սովորողները խաղացին տրամաբանական սեղանի խաղեր՝ իրենց հետաքրքրությունների շրջանակներում:
Օրակարգը՝ այստեղ:
Օր առաջին. 08.01.2018
Ճամբարային առաջին օրը հագեցած անցավ: Օրակարգը՝ այստեղ, իսկ մանրամասն՝ սովորողների բլոգներում.
Վիկտորիա-Անի Միկաիլ, Պետրոսյան Յուրիկ, Ամիրաղյան Ալբերտ
Լևոն Գալստյան 